ба чӣ вобаста?

Коронавирус (тоҷвирус) аз як шахс ба шахси дигар тавассути сулфидан ё нафасӣ, бо даст вохӯрӣ кардан, ба оғӯш кашидан, палмосидани ашёҳои дасти бемор расида мегузарад. Вирус ба бадан тавассути бинӣ ё даҳон ворид мешавад. "Ҳуҷайраи мизбон" баъди дохилшавӣ дигар ҳуҷайраҳоро мекушад.
НИШОНАҲОИ КОРОНАВИРУС
Гумон меравад, ки Коронавирус фоизи калони ҳамаи хунукиҳои маъмулиро дар калонсолон ва кӯдакон меорад. Баъзе аз нишонаҳои коронавирус инҳоро дар бар мегиранд:
Табларза;
бӯйҳои хунук;
сулфаи шадид;
душворшавии нафаскашӣ; (кӯтоҳии нафас)
аденоиди варам;
синдроми шадиди роҳи нафас;
ноустувории гурда;
бронхит, ё бронхити мустақими вирусӣ ё бронхити дуюмдараҷа;
пневмония, ё пневмонияи мустақими вирусӣ ё пневмонияи дуюмдараҷаи бактериявӣ.
ПЕШГИРӢ
Тавсияҳои стандартӣ барои пешгирии сироятҳои минбаъда иборатанд аз:
Ҳангоми шустани дастҳо бо об ва собун, дар ҳолате, ки ба лӯлаҳо расидааст.
Ба мардум инчунин тавсия дода мешавад, ки ҳангоми сулфидан ё атса задан даҳон ва бинии худро пӯшонанд.
Нагузоред, ки бо одамони вирус сироят шуда робитаи наздик дошта бошед.
Гӯшт ва тухм бояд ҳаматарафа пухта шаванд, зеро ин вирусҳо аз ҳайвонҳо сарчашма мегиранд.
ИСТИФОДАИ НИҚОБҲО
Ниқобҳои тиббие, ки имрӯзҳо дар дорухонаҳо ба фурӯш бароварда шудаанд, таъсири ками муҳофизатӣ доранд. Онҳо тунук ва дорои сӯрохиҳои калон мебошанд. Инчунин, андозаи коронавирус нисбат ба андозаи сӯрохиҳои ниқобҳои тиббӣ чандин маротиба хурд мебошад ва он метавонад бемамониат аз он гузарад. Ба харидории ниқобҳои яккарата зарурати зиёд нест, зеро истифодаи он 2-3 соат буда, пас аз ин ниқоб қобилияти муҳофизатии худро гум мекунад. Истифодаи ниқобҳои бисёрқабатаи аз дока омодакардашуда манфиатовар мебошад.
Ин гуна ниқобҳоро ҳар як нафар метавонад дар хона худаш омода намояд. Докаро бисёрқабата карда, дар байни он пахта бояд гузошт. Зеро пахта вазифаи микробполоӣ - филтрро иҷро намуда, қобилияти муҳофизат аз вирусро зиёд менамояд. Дар ҳолати аз қабатҳои дока гузаштани микроб он ба пахта мечаспад ва пахта микробро дар худ нигоҳ дошта, намегузорад, ки ба роҳи нафас ворид шавад.
ҲИМОЯ АЗ КОРОНАВИРУС
Ташкилоти умумиҷаҳонии тандурустӣ мегӯяд, ки ниқобҳои тиббӣ аз коронавирус ҳифз карда наметавонанд, вале онҳо хатари сироятро кам менамоянд. Барои пешгирӣ аз коронавирус мутахассисон тавсия медиҳанд, ки ҳар як нафар гигиенаи шахсиро риоя намуда, дастонро бояд тез- тез бо собун ва ё маҳлулҳои безараргардонанда шӯяд. Бояд ба пардаҳои луобӣ, хусусан бинӣ, чашм ва даҳон камтар даст расонид. Истеъмоли меваҷоту сабзавоти аз витаминҳо бой бисёр муҳим мебошад.

Истифода аз рӯзномаи "Овози Самарқанд"

БО ТУ СИТЕЗ ХОҲАМ КАРД...

Эй тоҷвирус, ту аз куҷо омадаӣ?
Чун дарду балои бедаво омадаӣ.
Шояд, ки алайҳи нохудогоҳии мо,
Чун барқ ба фармони Худо омадаӣ.

Эй тоҷвирус, аз ту ҳазар бояд кард,
Бар тансиҳатии худ назар бояд кард.
Ҳар захму зиён, ки мерасад аз ту ба кас,
Бо доруи ҳушёрӣ бадар бояд кард.

Эй тоҷвирус, тоҷи туро пора кунам,
Дар арсаи худнамоӣ бечора кунам.
Ҷӯям раҳи озодагиву ҳифзу дифоъ,
Бо ақлу хирад ҷанги ту бекора кунам.

Эй тоҷвирус, халқи маро хор мадор,
Бар ҳеҷ касе шиканҷу озор маёр.
Аз дасти ту аҳли олам омад ба ҳарос,
Аз ваҳми ту бас ҷаҳониён зору низор.

Эй тоҷвирус, бо ту ситез хоҳам кард,
Шамшери талошу зарба тез хоҳам кард.
Ҳаргиз нашавам зи ҳамлаат рӯ ба фирор,
Ғамҳои туро рӯ ба гурез хоҳам кард.

Нормурод КАРИМЗОДА