Судралувчи какранинг келиб чиқиши Марказий Осиё ҳисобланса-да, бу карантин ўсимлик Африкадан ташқари барча ҳудудларда учрайди.

Судралувчи какранинг пояси шохланган бўлиб, ўсимликнинг баландлиги 20 см.дан 40 см.гача тик ўсади. Ўсимликнинг гуллаши ва мевага кириши май - июнь ойларидан бошланиб, уруғи июль ойида пишиб етилади. Судралувчи какра кўп йиллик ўсимлик бўлиб, 30-80 минг дона уруғ ҳосил қилади. Судралувчи какра енгил ва оғир лойли тупроқларда яхши ўсади. У юқори рақобатбардош ўсимлик бўлгани боис фитоценозда у одатда доминантлик қилади.
Судралувчи какра ҳаддан ташқари кучли зарар келтурувчи бегона ўт бўлиб, у экинларнинг ҳосилдорлиги ва сифатини, паст текисликларнинг маҳсулдорлигини камайтиради. Судралувчи какра ўсимлигига кўплаб алколоидлар тўпланади, шу боис у ифлослаган пичан билан боқилган қишлоқ хўжалик ҳайвонларида заҳарланиш юзага келади. У сигир сутини таъмини кескин бузади. Судралувчи какра тупроқдан сув ва минерал моддаларни кучли ўзлаштиради. У ўзидан бошқа ўсимликларни ўсиши ва ривожланишини тўхтатиб қўювчи модда ҳам ажратиб чиқаради.
Ҳозирги кунда Ўзбекистон Республикасида қишлоқ хўжалигида қўллаш учун рухсат этилган кимёвий воситалар рўйхатида судралувчи какра ўсимлигига қарши курашишда фойдаланиш мумкин бўлган гербецидлар сони жуда кам. Шунинг учун шудгор қилинган ерларда судралувчи какрага қарши глифосатларнинг ҳосилаларини (алаз, космик, раундал, глифос, спрут тарнадо 500, ураган) қўллаш яхши самара беради.

А.РАХИМОВ
Ф.АБДУХАМИТОВ,
ўсимликлар карантини давлат инспекторлари