Кеча Ўзбекистон Республикаси Олий Мажлиси Сенатининг вакили А. Алтиев бошчилигида Навоийлик бир гуруҳ депутатлар туманимизда бўлишди.

Меҳмонларни туман ҳокими, Халқ депутатлари туман Кенгаши раиси С.Усмонов ва маҳаллий депутатлар кутиб олишди.

Қўшни вилоят депутатлари туманимиздаги ҳамкасблари фаолияти билан яқиндан танишишди. Ютуқлар ва камчиликлар борасида ўзаро тажриба алмашиб ўз фикр-мулоҳазалари ҳамда таклифлари билан ўртоқлашди.

Шунингдек, меҳмонлар тумандаги бир қатор ишлаб-чиқариш корхоналарига ташриф буюриб, у ерда амалга оширилаётган ишларни кўздан кечиришди.