Bugun ta’lim muassasalarida yoshlarning ma’naviy dunyosini boyitish, ularda milliy qadriyatlarga hurmat va sadoqat tuyg‘usini mustahkamlash maqsadida “Milliylik — millat ko‘zgusi” mavzusida navbatdagi ma’naviyat-ma’rifat soati o‘tkazildi.

Tadbirda avvalo, milliylikning mohiyati, uning jamiyat hayotidagi o‘rni va yoshlar tarbiyasidagi ahamiyati keng yoritildi. Soatda o‘quvchilarga milliy til, urf-odatlar, an’analar, madaniyat va ma’naviy meros — bularning barchasi millatning haqiqiy qiyofasini belgilovchi bebaho boylik ekani tushuntirildi.

Ma’naviyat soati davomida:

milliy qadriyatlarning yoshlar tarbiyasidagi o‘rni,

buyuk ajdodlarimiz merosining ahamiyati,

Vatan va millatga sadoqatning ma’naviy mezonlari,

milliy g‘urur va o‘zlikni anglashning inson hayotidagi roli

haqida fikrlar bildirildi.

Tadbir ishtirokchilari uchun videolavhalar, tarixiy fotosuratlar, milliy merosga oid ko‘rgazmali materiallar namoyish etildi. O‘quvchilarning faol ishtiroki, savol-javoblar va fikr-mulohazalar tadbirga yanada jonlilik bag‘ishladi. Yoshlar o‘z fikrlarida milliy an’analarning qadrlanishi, til va tarixni bilishning zarurligini alohida ta’kidladilar.

Tadbir yakunida milliylik — millatning o‘tmishi, buguni va kelajagini bog‘lab turuvchi mustahkam poydevor ekani, uni asrash har bir fuqaroning muqaddas burchi ekani qayd etildi.