Samarqand tumanining Rustam mahalla fuqarolar yig‘ini hududida yashovchi mehnatsevar dehqon — Axrorqulov Bahodir o‘zining halol mehnati, yurtga bo‘lgan sadoqati va yerga bo‘lgan mehr-muhabbati bilan el orasida hurmat qozongan insonlardan biridir.

Bahodir aka har yili may oyida xrizantema gullarini ekadi. Bu gul o‘zining nafisligi, uzoq saqlanishi va bozordagi yuqori talabi bilan ajralib turadi. U har bir niholni mehr bilan parvarishlab, suvini, o‘g‘itini va g‘amxo‘rligini o‘z vaqtida beradi. Shu bois, u yetishtirgan gullar sifatli, bozorbop va chiroyli chiqadi.
Bugungi kunda u Rustam MFY hududidagi 30 sotix yer maydonida xrizantemalar yetishtirib, 20 million so‘mdan ortiq sof foyda olmoqda. Bu daromad uning oilasi farovonligiga, mahalla obodligiga va atrofdagilarga namunaviy ruh bag‘ishlamoqda.
Axrorqulov Bahodirning hayotiy shiori — “Yerga mehr bersang, u senga baraka beradi.” Shu e’tiqod bilan u yurtimizda bog‘dorchilik va gulchilik sohalarini rivojlantirishda o‘z hissasini qo‘shib kelmoqda. Uning mehnatsevarligi yoshlar uchun ham ibrat bo‘lib xizmat qilmoqda.
Darhaqiqat, Rustam MFYda yashovchi bunday fidoyi insonlar tufayli O‘zbekiston qishloq xo‘jaligi yuksalmoqda, xalqimiz hayoti esa yanada farovon bo‘lib bormoqda.